गा“जा बरामद

काठमाडौं । हरिनगरा गाउँपालिका-२ घुस्की जाने बाटोबाट अवैध लागूऔषध गाँजा करिब २ सय २० किलोग्राम राति प्रहरीले बरामद गरेको छ । प्रहरी चौकी रामनगर भुटाहा र सशस्त्रन प्रहरी बेश क्याप भुटाहाबाट खटिएको संयुक्त टोलीले बिआर ११ टि १६०० नम्बरको गाडीभित्र ९ वटा पोकामा रहेको उक्त परिमाणको गाँजा फेला पारी बरामद गरेको हो । यसैबीच काठमाडौं महानगरपालिका-६ बौद्द नयाँबस्ती बस्ने २९ वर्षीया विजय परियारलाई नियन्त्रित लागूऔषध नाईट्राजेपाम ५ हजार २ सय ५० ट्याब्लेट र नगद १० हजार रूपैयाँ सहित प्रहरीले पक्राउ गरेको छ । लागूऔषध नियन्त्रण व्यूरो कोटेश्वरबाट खटिएको प्रहरीले विजयलाई उनकै कोठाबाट पक्राउ गरेको हो । सुर्खेत, वीरेन्द्रनगर नगरपालिका-६ घण्टाघर लाईनबाट अवैध लागूऔषध ब्राउनसुगर जस्तो देखिने पदार्थ ४ ग्राम १ सय ६० मिलिग्राम सहित २ जनालाई बिहान प्रहरीले पक्राउ गरेको छ । पक्राउ पर्नेहरूमा जाजरकोट जुनिचाँदी गाउँपालिका-१३ बस्ने २२ वर्षीय ईलम बस्नेत र दैलेख भगवतीमाई गाउँपालिका-३ बस्ने २२ वर्षीय लोमन खड्का रहेका छन् ।