प्रधानमन्त्री पुष्पकमल दाहालले इपिएस कोरिया शाखाको कमजोरीले बालकुमारीमा दुःखद घटना घटेको बताएका छन् । राष्ट्रिय सभागृहमा ट्रेड युनियन आन्दोलन र संयुक्त ट्रेड युनियन समन्वय केन्द्रद्वारा आयोजित कार्यक्रमलाई सम्बोधन गर्दै उनले यस्तो बताएका हुन् । सरकारले उक्त घटनालाई गम्भीर रुपमा लिएको र दोषीलाई कारबाही गर्ने प्रधानमन्त्री दाहालले प्रतिबद्धता व्यक्त गरे । घटनाबारे तुरुन्तै राजनीति दलसँग छलफल गरिएको उनले बताए । छलफलपछि दोषी देखिएकालाई कारबाहीको निणर्य गर्ने तयारी गरिएको प्रधानमन्त्री दाहालले बताए । मन्त्रीजीको पिएसओले परिस्थितिको आङ्कलन नगरी त्यहीँबाट गाडी लगे । उनलाई पनि निलम्बन गरिने उनले बताए । त्यसैगरी गोली हान्ने आदेश दिने अधिकारीलाई छानबिन अवधिसम्म निलम्बन गर्ने निणर्य भएको प्रधानमन्त्री दाहालले बताए । त्यसैगरी सरकारले ललितपुरको बालकुमारीमा भएको घटनामा परी ज्यान गुमाएका दुई युवाको परिवारलाई १०-१० लाख राहत दिने घोषणा गरेको छ । ललितपुरको बालकुमारीमा भएको प्रदर्शनका क्रममा अछामका वीरेन्द्र शाह र दैलेखका सुजन रावतको मृत्यु भएको थियो । मन्त्रिपरिषद्को आकस्मिक बैठकको निणर्यबारे जानकारी दिँदै सञ्चारमन्त्री रेखा शर्माले सरकारले मृतकप्रति भावपूणर् श्रद्धाञ्जली अर्पण गर्दै घाइतेहरूको शीघ्र स्वास्थ्य लाभको कामना गरेको जानकारी दिइन् । उनले प्रदर्शनका क्रममा घाइते भएकाहरूको सम्पूणर् उपचार खर्च सरकारले बेहोर्ने निणर्य गरिएको बताइन् । यसका लागि अर्थ मन्त्रालयले गृह मन्त्रालयलाई रकम निकासा गर्ने उनको भनाई थियो । त्यसैगरी नेपाली कांग्रेसका महामन्त्री गगनकुमार थापाले सरकार चलाउने कुरामा कांग्रेसले योग्यता राख्न नसकेको बताएका छन् । भक्तपुरमा कांग्रेस भक्तपुर-२ को क्षेत्रीय सम्मेलनको उद्घाटन गर्दै थापाले ठूलो पार्टी कांगे्रस रहे पनि पार्टीले सरकार चलाउने कुरामा योग्यता राख्न नसकेको बताए । उनले प्रधानमन्त्री पुष्पकमल दाहाललाई सरकारमा पुर्याएको कांग्रेसले चाहे सरकारबाट हटाउन सक्ने हैसियत पार्टीमा रहेको बताए । कांग्रेस संसदको ठूलो पार्टी भए पनि अहिलेको समस्या समाधान गर्ने जिम्मेवारी कसले लिने भन्ने प्रश्न उठेको उनले बताए । पार्टीको गुटउपगुटका साथै निर्वाचनमा खल्तीबाट उम्मेद्वार छान्ने प्रवृति अन्त्य हुनुपर्ने उनको जोड थियो ।
