पुरिएर निधन

काठमाडौं । अविरल वर्षाको कारण फक्तालुङ गाउँपालिका-२ टिन्जा बस्ने रबिन लिम्बुको घर पहिरोले पुरिँदा चार जनाको बिहान मृत्यु भएको छ । मृत्यु हुनेहरूमा रबिन लिम्बुको बुवा ७० वर्षीय राम बहादुर साम्रा लिम्बु, आमा ४८ वर्षीया जसमाया लिम्बु, १० वर्षीया जुम्ल्याहा बहिनीहरू गंगा लिम्बु र जमुना लिम्बु रहेका छन् । माथिबाट अचानक पहिरो आइ घर पुरिन जाँदा घरमा सुतिरहेका उनीहरू बेपत्ता भएको भन्ने खबर प्राप्त हुनासाथ प्रहरी चौकी शिवा, जिल्ला प्रहरी कार्यालय ताप्लेजुङ र मित्लुङ हाईड्रोपावरमा सुरक्षाको लागि खटिएको नेपाली सेनाको सुरक्षा बेस समेतबाट खटिएको टोलीले स्थानियको सहयोगमा उद्दारको क्रममा उनीहरूको शव फेला परेको हो । पहिरोबाट घर र घरभित्र रहेको सम्पूणर् धनमाल पूणर्रूपमा क्षति भएको छ ।