करेन्टबाट निधन

काठमाडौं । डुडुवा गाउँपालिका–६ लिहारपुरूवा बस्ने ३४ वर्षीय राजाराम धोबीको करेन्ट लागेर साँझ मृत्यु भएको छ । आफ्नै घरमा संचालन गरेको खुद्रा किराना पसलमा विद्युतको नाङ्गो तारबाट करेन्ट लागेर गम्भीर घाइते भएका उनको भेरी अस्पताल नेपालगंजमा उपचारको क्रममा मृत्यु भएको हो । यसैबीच जानकी गाउँपालिका–२ नवाजी गाउँ बस्ने २० वर्षीय आर्यन कादुको करेन्ट लागेर बिहान मृत्यु भएको छ । सोही ठाउँस्थित आफ्नै खेतमा विद्युतीय मोटर चलाई खेत रोप्नको लागि काम गर्ने क्रममा करेन्ट लागेर गम्भीर घाइते भएका उनको संजिवनी कलेज अफ मेडिकल साइन्सेस नेपालगंजमा उपचारको क्रममा मृत्यु भएको हो । यसैबीच शैल्यशिखर नगरपालिका–६ मिलमिल बस्ने ६५ वर्षीय चन्द्र सिंह रावत आफ्नै घर नजिकै मृत अवस्थामा फेला परेका छन्‌ । यस सम्बन्धमा प्रहरीले आवश्यक अनुसन्धान गरिरहेको छ । त्यसैगरी बर्दिया, मधुवन नगरपालिका–४ बादरभरिया बस्ने ५४ वर्षीय घोसु लाल थारू आफ्नै घरमा मृत अवस्थामा फेला परेकी छिन्‌ । मोरङ, पथरीशनिश्चरे नगरपालिका–३ कल्याण चोक बस्ने ५८ वर्षीया मनमाया चेम्जोङ सोही ठाउँस्थित आफ्नै खेतमा मृत अवस्थामा फेला परेकी छिन्‌ ।