राष्ट्रिय गौरवका आयोजनामा बजेटको कमी हुन नदिने

काठमाडौं । प्रधानमन्त्री पुष्पकमल दाहाल (प्रचण्ड)ले सुदूरका ठुला गौरबका आयोजनामा बजेटको कमी हुन नदिने बताएका छन् । महेन्द्रनगरमा कञ्चनपुर उद्योग वाणिज्य संघको आयोजनामा सञ्चालित सुदूरपश्चिम प्रदेश स्तरीय औद्योगिक व्यापार मेला तथा कञ्चनपुर पर्यटन महोत्सवको उद्घाटन गर्दै प्रधानमन्त्री प्रचण्डले सुदूरपश्चिम हाल सञ्चालित ठुला गौरबका आयोजनामा बजेटको कमी हुन नदिने बताएका हुन । प्रधानमन्त्री प्रचण्डले यस क्षेत्रमा रहेका सुक्का बन्दरगाह, जलविद्युत आयोजना, त्रिदेशीय नाका विस्तारको सबै योजना सरकारले दुत गतिमा अघि बढाउने बताए । प्रधानमन्त्री प्रचण्डले सुदूरका ९ वटै जिल्लामा सञ्चालित आयोजना दुत गतिमा अघि बढाउन सरकार नीति, कार्यक्रम तय गरेको बताए । उनले सुदूरमा रहेका सबै आयोजनालाई अघि बढाएर यस क्षेत्रको वृद्धि विकासका लागि प्रयोग गरिने बताए । प्रचण्डले आफू तेस्रो पटक प्रधानमन्त्रीमा नियुक्त हुँदा विकास आयोजना सुदूरपश्चिमबाटै शुरुवात गरेको बताए । प्रधानमन्त्री दाहालले भने, ‘अब राम्रोलाई पुरस्कार र नराम्रोलाई कार्बाही गछौँ, ‘अबको आवश्यकता काम हो, ‘यथास्थितिमा रुमलिने छैनौँ, जनताको निराशा आशामा बदल्छु ।’  पहिलो पटक प्रधानमन्त्री हुँदा यस क्षेत्रको शैक्षिक वृद्धि विकासका लागि सुदूरपश्चिम विश्वविद्यालय स्थापना गरिएको अहिले तेस्रो पटक प्रधानमन्त्री हुँदा गेटा मेडिकल कलेजलाई शहीद दशरथ चन्द राष्ट्रिय स्वास्थ्य विज्ञान विश्वविद्यालय बनाउने निर्णय अनुरूप अघि बढाइने बताए । त्यसैगरी राष्ट्रिय स्वतन्त्र पार्टीले तत्काल सरकारमा सहभागी नहुने बताएको छ । पार्टीको केन्द्रीय समिति र संसदीय दलको संयुक्त बैठकले तत्काल सरकारमा सहभागी नहुने निर्णय गरेको सहमहामन्त्री कविन्द्र बुर्लाकोटीले बताए । गृह मन्त्रालय नपाएपछि रास्वपा माघ २२ मा सरकारबाट बाहिरिएको थियो, तर समर्थन फिर्ता लिएको छैन । त्यस्तै पार्टीका केन्द्रीय सदस्य कबिन्द्र बुर्लाकोटीले चितवनमा रवि लामिछाने नै उम्मेदवार हुने कुरामा पार्टीमा विमति नरहेको बताए । यसअघि पार्टीका प्रमुख सचेतक सन्तोष परियारले पनि लामिछानेलाई नै पुनः उम्मेदवार बनाउने बताएका थिए । त्यसैगरी ट्राफिक नियमविरुद्ध आन्दोलति बनेका यातायात मजदुरले बालाजु क्षेत्रमा सडक अवरुद्ध गरेका छन् । उनीहरुले सडकमा सवारी साधन तेर्साए बालाजु चोकमा सडक अबरुद्ध गरेका हुन् । बीच सडकमै सवारी साधन राखेर मजदुरहरुले अवरोध सिर्जना गरेपछि सो क्षेत्रको यातायात आवागमन अवरुद्ध भएको थियो । बालाजु चोकबाट माछा पोखरीसम्म सडक अवरुद्ध भएको हो । ट्राफिक नियम यातायात मजदुरको हितमा नभएको भन्दै सडक अवरुद्ध गरिएको हो ।