मोटरसाइकल अनियन्त्रित भई दुर्घट्ना

काठमाडौं । बेलबारी नगरपालिका-८ चिसाङ पुलमा बा.७९ प ७०८४ नम्बरको मोटरसाइकल अनियन्त्रित भई साँझ दुर्घटना हुँदा चालक सप्तरी कन्चनरुप नगरपालिका-१२ बस्ने ४० वर्षीय राजेश कुमार कार्कीको मृत्यु भएको छ । दुर्घटनामा गम्भीर घाइते भएका उनको बेलबारी नोबेल अस्पताल हुँदै नोबेल अस्पताल विराटनगरमा थप उपचारको क्रममा मृत्यु भएको हो । त्यसैगरी नरैनापुर गाउँपालिका-४ पण्डितपुरवा बस्ने मोहमद रफिक नाँउकी छोरी ९ वर्षीया खुसनुमा सल्मानीको सोही ठाउँस्थित पानी जमेको खाल्डोमा डुबेर दिउँसो मृत्यु भएको छ । यस सम्बन्धमा प्रहरीले आवश्यक अनुसन्धान गरिरहेको छ । यसैबीच ईटहरी उपमहानगरपालिका-६ हटिया लाईनबाट १ हजार दरको १६ सय थान नक्कली नोटसहित संखुवासभा पाँचखपन नगरपालिका-५ खमारे बस्ने २५ वर्षीय बिवेक राईलाई दिउँसो प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय ईटहरीबाट खटिएको प्रहरीले उनलाई उक्त नोटसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।