काठमाडौं । मौलापुर नगरपालिका–७ पथरा बस्ने ४८ वर्षीय चन्देश्वर बैठाको करेन्ट लागेर दिउँसो मृत्यु भएको छ । सोही ठाउँस्थित आफ्नै खेतमा विद्युतीय मोटरबाट पानी तान्ने क्रममा करेन्ट लागेर गम्भीर घाइते भएका उनको गौर प्रादेशिक अस्पतालमा उपचारको क्रममा मृत्यु भएको हो । यसैबीच कास्की, पोखरा महानगरपालिका–२७ रिठ्ठेपानी बस्ने ५३ वर्षीया जमुना नेपाली आफ्नै घरमा मृत अवस्थामा फेला परेकी छिन् । दाङ, तुलसीपुर उपमहानगरपालिका–११ कटाह त्रिवेणी टोलस्थित बाटोमा सोही उपमहानगरपालिका–११ नवलपुर बस्ने ६० वर्षीय देशु चौधरी मृत अवस्थामा फेला परेका छन् । सप्तरी, डाक्नेश्वरी नगरपालिका–४ कुशहा बस्ने २७ वर्षीय राम किसुन राय सोही ठाउँस्थित कोशी नहरको बाटो छेउमा मृत अवस्थामा फेला परेका छन् । पर्सा, वीरगंज महानगरपालिका–१५ ब्रहम चोकमा सर्लाही बरहथवा नगरपालिका–७ बस्ने ५५ वर्षीय भवन बहादुर रानामगर मृत अवस्थामा फेला परेका छन् । नुवाकोट, बिदुर नगरपालिका–११ बरूगाउँ सामुदायीक वन नजिकै सडक छेउमा सोही नगरपालिका–११ खत्री गाउँ बस्ने ८२ वर्षीय श्याम बहादुर प्याकुरेल मृत अवस्थामा फेला परेका छन् । सुनसरी, दुहबी नगरपालिका–१० झर्ना टोलस्थित गोरेटो बाटो छेउमा हाल नाम, थर र वतन नखुलेका अन्दाजी ४२ वर्षीय पुरूष मृत अवस्थामा फेला परेका छन् । लमजुङ, सुन्दरबजार नगरपालिका–७ पाउदीस्थित मर्स्याङदी नदीको किनारमा सोही नगरपालिका–९ धारापानी बस्ने रोल्पा घर भएका प्रेम बहादुर घर्ति मगरकी छोरी ११ वर्षीया शान्ति मगर मृत अवस्थामा फेला परेकी छिन् ।
