गरिब र दिनदुःखीहरुलाई दान दिने चलन

– अर्जुननरसिंह के.सी. –
यसको अर्थ मुसलमानहरुको बसोबास नेपाल एकीकरणको इतिहासभन्दा पुरानो छ ।
पृथ्वी नारायण शाहले काठमाडौं उपत्यकामा आक्रमण गर्नुपूर्व उपत्यकाका गन्यमान्य र साहु महाजनहरुलाई हात लिने क्रममा वि.सं. १८२२ वैशाखमा यहाँका काश्मिरी मुसलमान साहु सदुल्लाजी मोजम्जीलाई लेखेको यो व्यहोराको पत्रले पनि मुसलमाहरुको रैथाने अस्तित्वलाई प्रमाणित गर्छ । पत्रमा लेखिएको छ ः तुम्रँ नेपालको घर षेत जति छन् सभ हामीले माफ गरिबक्स्यौ, नेपालमहाँ हाम्रो अंवल प्रवेस हुँदा का दिन सभ महाजनहरु कन सलामी ज्या लगाना सो चहाउनु परला तुम्रा घर्षेतकन माफ गरिबक्स्यौ कौनै वात को सन्देहज नमान’ । (हिमाल खबर पत्रिकामा कमलमणि दीक्षित मजलिस घर, भदौ २९-४ असोज ०७१ बाट) ।
नेपालको एकीकरणमा पनि मुस्लिम जातिको सह्राहनीय भूमिका छ । पृथ्वी नारायण शाहले आप्mनो दिव्य उपदेशमा उल्लेख गरेका छन् – लषनैबाट तिन् मुसलमा मेरो चाकरिलाई नुवाकोटमा पिछा गरि आयाका थिया, ईनै बन्दुकको तुलकलायेत तिनै मुसरमानले जान्याको रहेछ र सेषजरवर ममतकि भेषार्सि तिनै जनालाई अजिटनी दिया र तिलंगा सधायाको हो । यहाँ उल्लेखित नाम हेर्दा शेख जरबर, मोहम्मद तकी र भेषरजी हुनु पर्छ, जसलाई पृथ्वी नारायणले सेनाको अजिटनी पद दिएका थिए । सेनाको एड्जुटेन्ट माथिल्लै अफिसर पद हो ।
हालसम्म नेपालमा शेख इदिस, मोहम्मद आफताब आलम, डा मोहम्मद मोहसिन, समसुल हक, अनिस अन्सारी, सलिम मिया अन्सारी, मिर्जा दिलसाद बेग, शेखर सराजुल आदि मन्त्री भए ।
नेपाली काँग्रेस स्थापना कालदेखि नै मुसलमानको पार्टी हो । मोहम्मदी शिद्धिकी, भिखारी मन्सुर, फरमुल्लाहा मन्सुर, मोहम्मद आफताब आलम जस्ता व्यक्तित्व अहिले नेतृत्वमै छन् ।
नेपाली काँग्रेस पार्टीमा मुसलमान नेताको श्रद्धापूणर् स्थान छ । त्यो स्थान स्व. शेख इदिसले बनाउनु भएको हो । उहाँलाई हामी सबै, वरिष्ठ नेताको रुपमा आदर गर्दछौ ।
हिजरी संवतको बाह्रौ महिनामध्ये नवौ महिना, सद्भावको पर्वका रुपमा मनाइने रमजान मुवारक पवित्र अवसरका रुपमा लिइन्छ । इस्लाम मजहवी दाजुभाई, दिदीबैनीहरुको रमजान पर्व नेपालका करिब ४० जिल्लामा बसोबास गर्ने दर्शौ लाख नेपाली इस्लाम बन्धुहरुले निष्ठाका साथ मनाउने गर्नु हुन्छ । हिन्दु र इस्लाम धर्ममा यो एक समानता छ कि रमजान चलि रहेको यस अवसरमा हिन्दुहरु शिवको उपासनामा श्रावणको व्रत बसिइ रहेका छन् । यस त्यो हारमा जसरी इस्लाम मजहवी बन्धुहरुमा धनीले गरिब र दिन दुःखीहरुलाई दान दिने चलन छ, त्यसै गरी हिन्दु धर्मको उपासनामा दानलाई ठूलो धर्म मानिएको छ ।
सो पर्वमा कतिपय इस्लामिक साथीहरु मलाई पनि कार्यक्रममा सरिक हुन हार्दिकताका साथ निमन्त्रणा गर्नु हुन्छ । त्यस्ता कार्यक्रममा म पनि आत्मीयताका सथा जाने गर्छु । सो पर्वमा रोजा बस्ने तथा इबादत (उपसना) गर्ने सम्पूणर् मुस्लिम दिदीबैनी दाजुभाइहरुमा अभिवादन सहित खुदाले तपाईहरुको इबादतलाई सफल बनाउनु होस् भन्ने कामना र मुबारक अदा गर्छु । क्रमशः