– डा. तुलसी भट्टराई/उद्धव उपाध्याय/महेन्द्रप्रकाश सिवाकोटी –
– भारत प्रवासमा रहँदा हवाईजहाज अपहरणको योजना बनाएर त्यसको कार्यान्वयन गर्नुभयो । नेपालमा प्रजातन्त्र प्राप्तिको लागि नेपाली काँग्रेसको सशस्त्र क्रान्ति गर्ने निर्णय गरेपछि त्यसको जिम्मा उहाँमा आयो । त्यसलाई पूर्ण गरेर देखाउनु भयो ।
– प्रधानमन्त्री रहँदा २०५१ सालमा मध्यावधिको निर्वाचन गराउँछु भनेर गराएरै छोड्नुभयो । मध्यावधि निर्वाचनमा नेपाली काँग्रेस संसदमा दोस्रो ठूलो दल हुन पुग्यो । त्यसैले उहाँले नेपाली काँग्रेसलाई पुरानै स्थितिमा पुर्याउछु भन्नु भए अनुसार २०५६ को निर्वाचनमा पार्टीलाई पुनः बहुमतको रुपमा ल्याउनु भयो ।
– ज्ञानेन्द्रको प्रत्यक्ष शासन कालमा प्रतिनिधिसभाको विघटन गरियो । सो विघटित प्रतिनिधिसभालाई पुनःस्थापना गराएर छोड्छु भनेर उहाँको उद्घोषण गर्नुभयो र २०६२/६३ को जनआन्दोलनबाट संसद् पुनःस्थापना पनि भयो । यस बाहेक पनि उहाँको भनेर कार्य पूरा गरेका दृष्टान्त कैयौ भेटिन्छन् ।
मनपर्ने कुराहरु :
– उहाँलाई घरपरिवारको वातावरण मन पर्दथ्यो ।
– भजन र केही मेलोडियस गीत सुन्ने र गुनगुनाउने गर्नुहुन्थ्यो ।
– उहाँलाई धेरैजनासँग बसेर खाना खान आनन्द आउँथ्यो ।
– सफा कपडा लगाउने, कोठा सफा सुग्घर राख्ने, ओड्ने ओछ्याउने तथा उहाँले प्रयोग गर्ने झुल सफा भएको हुनुपर्दथ्यो ।
– डिपार्टमेन्टल स्टोरमा गएर नयाा प्रविधिका सामानहरु किन्न मन पराउनुहुन्थ्यो ।
– बाल्यकालमा नौटंकी हेर्ने सोख थियो ।
– सफा टिपटप हेन्डसम भएर बस्न र क्रिम परफ्युम प्रयोग गर्न रुचाउनु हुन्थ्यो ।
– उहाँको सबैभन्दा धेरै मनपर्ने ठाउँ विराटनगर नै थियो र त्यहाँ गइरहन मन पराउनु हुन्थ्यो ।
– केटाकेटीसँग गफ गर्ने, उनीहरुलाई भुत झै बनेर जिस्काउने, खेल्ने र उनीहरुलाई सामान किनिदिने बानी थियो ।
– सबैभन्दा मन पर्ने घरपरिवारका मानिसहरुमा बीपी कोइराला, सुष्मा कोइराला, नोना कोइराला, शैलेजा आचार्य, सुशीला कोइराला, सुजाता कोइराला आदि हुनुहुन्थ्यो ।
क्रमशः
