– अर्जुननरसिंह के.सी. –
– टंकप्रसादको देश सेवक संघलाई स्वीकृति, १६ साउन, २०३७ : देशमा खतरा आएको, शासनको माथिल्लो तहमा सुव्यवस्था देखिएको तर तल्लो तहमा स्थिति ज्वालामुखी झै विष्फोटक अवस्थामा पुगेको भन्दै देशको सेवा गर्ने संघको स्वीकृतिको लागि टंकप्रसाद आचार्यले २ वर्षअघि दिएको निवेदनमा सो संघ स्थापनार्थ सरकारले स्वीकृति प्रदान गरेको ।
– बाग्मती भेलालाई बीपीको संवोधन, २०३७ चैत १२ : काठमाडौको शंकर होटल परिसरमा भएको विशाल भेलालाई संवोधन गर्दै बीपी कोइरालाले भन्नुभएको, हाम्रो खटनमा नभएको संघर्ष, हामीले नबनाएको संघर्ष, हामीले आफ्नै शक्तिद्वारा नगरेको संघर्ष, त्यो अरुको संघर्ष भएर जान्छ । नीति र नेतृत्व आफ्नै पकडमा रहेको संघर्ष मात्र उचित हुन्छ भन्ने उहाँको अभिव्यक्ति ।
२०३८ साल :
– चौधरी काँग्रेस छोडी पञ्चायतमा, २०३८ साउन ८ : काँग्रेस महामन्त्री परशुनारायण चौधरीले एक वक्तव्य दिँदै पञ्चायतमा प्रवेश गरेका ।
२०३९ साल :
– बीपी को अन्तिम सन्देश, जेठ ८, २०३९ : अस्वस्थ भएर गम्भीर अवस्थामा पुग्नुभएका बीपी कोइरालाबाट विछ्यौनाबाटै सन्देश ।
– बीपीको निधन, श्रावण ६, २०३९ जुलाई २१, १९८२, जननायक बीपी कोइरालाको निधन । गणेशमान सिंह, कृष्णप्रसाद भट्टराई र गिरिजाप्रसाद कोइरालाको नेतात्रयी परिपाटी सुरु । पार्टी प्रतिबन्ध भएको बाबजुद सोही वर्ष काठमाडौमा सम्पन्न राष्ट्रिय सम्मेलनले लोकतन्त्रको स्थापनार्थ जुनसुकै मूल्य चुकाउन पछाडी नपर्ने प्रतिबद्धता व्यक्त ।
– बीपीको अन्त्येष्ठी, श्रावण ७, २०३९ : बीपीको पार्थिव शरीरलाई काठमाडौमा शवयात्रा गरिएको । नेपालमा भएको पहिलो सबभन्दा ठूलो शवयात्रा । भारतबाट चन्द्रशेखर, मधु दण्डवते, देवेन्द्र सिंह लगायतका नेताहरु शवयात्रामा सामेल ।
२०४१ साल :
– राजा विरेन्द्रसँग काँग्रेस महामन्त्री कोइरालाको भेट, २०४१ वैशाख २७ : राजा वीरेन्द्रबाट काँग्रेस महामन्त्री गिरिजाप्रसाद कोइरालालाई भेट । महामन्त्री कोइरालाले पञ्चायती निर्वाचनमा भाग लिन पञ्चायती वर्गीय संगठनको सदस्यता लिनुपर्ने बाध्यता हटाउनुपर्ने माग गर्दा म पनि विकल्पको खोजीमा छु, तिमीहरु पनि आपसमा सल्लाह गरी एक विकल्प खोज भनी राजाले जवाफ दिएको खुलासा ।
– सत्याग्रहको मिति घोषणा, २०४१ फागुन २८–२९ : काठमाडौमा सम्पन्न काँग्रेसको राष्ट्रिय सम्मेलनले प्रस्तावित सत्याग्रहको मिति तोक्ने जिम्मा काँग्रेसका त्रयनेतालाई सुम्पियो । आपसी छलफलपछि नेताहरुले २०४२ जेठ १० गतेदेखि देशव्यापी सत्याग्रह आन्दोलन सञ्चालन गर्ने निर्णय ।
२०४२ साल :
– गिरिजाबाबुको सत्प्रयास, २०४२ वैशाख २६ गते : नेपाली काँग्रेसका महामन्त्री गिरिजाप्रसाद कोइरालाको संयोजकत्वमा जनताका पीरकर्म बुझ्न अनुरोध गर्दै ५६ जिल्लाका ३ लाख २१ हजार ४६३ नागरिकहरुको हस्ताक्षर संकलन गरी राजदरबारमा राजा वीरेन्द्रलार्इी बुझाएको । क्रमशः
