हजुरबा ती सबैलाई खम्बामा बाँधेर पिट्नुहुन्थ्यो । गधालाई पिटेर मान्छे बनाएझै । तर, कसैमा पनि लायक मान्छे बन्ने लक्षण देखिएको थिएन । परीक्षामा कसैको पनि राम्रो नतिजा आउँदैन थियो ।
हजुरआमाले ठूलो मामासँग कुरा गरेर एक एकलाई ढाका लगेर पढाउने सल्लाह गर्नुभयो ता कि सबैजना मान्छे बन्न सकून् । आप्mनो छोराहरु बिग्रने भए भन्ने चिन्ताले हजुरआमाको कपाल फुल्न लागेको बेलामा हजुरबाले अचानक घोषणा गरिदिनु भयो, म हज गर्न जान्छु । हजुरआमा स्तब्ध हुनुभयो । हज गर्न मक्का जाने पैसा कहाँबाट जुटाउने ? हजुरबाले मस्तसँग भन्नुभयो, पैसाको जगेडा अल्लाहले गरिहाल्छन् नि ।
आखिरीमा अल्लाहले त दिएनन् तर बाबाले पैसा दिनुभयो । हजुरबाले फर्केर आउनेबित्तिकै तिर्ने शर्त लगाउनुभएको थियो । एउटा ठूलो टिनको बाकसमा आप्mनो लत्ताकपडा, सामल पोको पारेर बाहिर आप्नmो नाम ठेगाना मोहमद मनरुद्धिन, अहमद, अकुवा मदरसा क्वाटर, मायमनसिंह लेखेर जहाजमा मक्का रवाना हुनुभएको थियो । त्यही दिन नील आर्मस्ट्रङ्ग पनि चन्द्रमामा पुगेका थिए । हजुरबा हज गर्न मक्का, आर्मस्ट्रङ्ग चन्द्रमामा ।
चन्द्रमालाई लिएर हाम्रो घरका मान्छेमा अनौठो लगाव थियो । चाँदनी रातमा आमाहरु आँगनमा आप्mनो बच्चालाई लिएर गीत गाउँथे – चन्दा मामा तिमी आऊ, मेरो चन्द्रमाको निधारमा चाँदनीको टीका लगाइदेउ ।
चाँदनी रातमा आँगनमा बसेर कथा सुन्ने पनि सबैको माग हुन्थ्यो । काना मामुको कथा घरका सबैबीच निके लोकप्रिय थियो । रुनु सानिमा गीत गाउनुहुन्थ्यो – आज पूणर्िमा सबै गए जंगल – हदभन्दा पहिले त झन् चन्द्रमा हेर्न घुम मच्चिन्थ्यो ।
चन्द्रमा देखिनेबित्तिकै हजुरआमा भन्नुहुन्थ्यो – अस्सालम अलइकुम ।
त्यो बेला पनि उहाँले त्यसै गर्नुभएको थियो । इदको छुट्टिमा घर आउनुभएको ठूलो मामाको मुखबाट अचानक फुत्कियो, आमा निल आर्मस्ट्रङले चन्द्रमामा पुगेर पिसाब फेरेर आइसके । क्रमशः
