तसलीमा नसरीन
मेरो ध्यान त्यसमा पनि पर्यो । साथै महिलाको गर्धनको हड्डी टेढो भएकाले उनीहरु सिधा कुरा गर्दैनन् । सिधा बाटो हिँड्दैनन ।
महिला पुरुषको सम्भोग गर्ने साधन हुन्, पुरुषले आप्mनो इच्छाअनुसार सम्भोग गर्न पाउँछन्, महिलाले नमानेमा पुरुषले छाड्न पाउँछन्, पिट्न पाउँछन् । महिलाको पैतृक सम्पत्तिको एक तिहाई र पुरुषले दुई तिहाई पाउने हकदार छन् । पुरुषले जति बिहे गरे पनि हुन्छ । महिलालाई त्यो हक छैन । तीन पटक तलाक भनेपछि पुरुषको सम्बन्धविच्छेद हुन्छ । तर महिलाले पुरुषलाई छोडपत्र गर्न पाउँदैनन् । कुनै कुराको जमानी वा गवाही दिँदा दुईजना महिला बराबर एक जना गनिन्छ । यो सबै कुरानमा लेखिएको थियो ।
सूर्यले पृथ्वीलाई घुम्छ या पृथ्वीले सूर्यलार्य घुम्छ भन्ने प्रश्न त लौ गाह्रै भयो अरे । मेरो आँखाले देखेको पनि छैन । तर, मान्छे मान्छेमा पनि के को फरक ? महिला र पुरुषमा के फरक । एक पटक सान्दाई र मैले छिमेकका डाक्टर पढ्ने विद्यार्थीको कोठामा चियाएर हरेका थियौ । भित्र नरकङकाल झुन्डिएको थियो । मैले कसको कोला भनेर सोध्दा सान्दाइले पुरुष वा महिला जसको पनि हुनसक्छ भन्नुभएको थियो ।
सबैको जीउमा २०६ वटा हड्डी हुन्छ अरे । स्कुलमा मास्टरले पनि त्यसै भन्थे । ठूल्दाई र मेरो गर्धनमा मैले कही फरक पाइनँ । मेरो गर्धन पनि उहाँको जस्तै सिधा छ । ठूल्दाई र सान्दाइको जीउमा जति हड्डी छन् मेरो जीउमा पनि उत्रि नजै छ । बाबाको करङको हड्डीबाट आमालाई बनाइएको भए त बाबाको जीउमा कम हड्डी हुनुपर्ने हो । तर, बाबाको जीउमा पनि २०६ वटै हड्डी छ । एक जना पुरुषले पाँच जना महिलालाई बिहे गर्यो भने के उसको जीउको पाँचवटा हड्डी घटेर जान्छ त ? मलाई यो कुरामा विश्वास लागेन ।
गवाही दिने बेलामा पनि दुईजना महिला बराबर एक जना हुने अरे । जब कि पुरुष एकै जना भए पनि हुने । क्रमशः
