दलीय सेना भएको माओवादीसँग प्रतिस्पर्धा

मित्रसेन दाहाल
त्यसलाई काँग्रेसले एउटा जिम्मेवार प्रतिपक्षको नाताले चिर्दै रचनात्मक ढंगबाट हटाएर समयमा नै संविधान लेखन कार्य सम्पन्न गरी गणतन्त्रलाई संस्थागत गराउनु पर्दछ । तर, दुर्भाग्य २००७ सालदेखि नेपालको राजनीतिमा चर्चाको शिखरमा रहेर सत्ताको पर्याय बन्दै आएको नेपाली काँग्रेस विगत केही वर्षदेखि निरन्तर ओरालो लागिरहेको छ । पार्टीलाई सर्वप्रथम भावनात्मक रुपमा एकीकृत गरी लोकतान्त्रिक मूल्य र मान्यता एवं विश्वव्यापी परिपाटीमा ढाल्नै पर्दछ । त्यसपछि मात्र काँग्रेसले यो जिम्मेवारी पूरा गर्न सक्छ । होइन भने नेपाली काँग्रेसले ३० वर्षे पञ्चायती निरंकुश शासनकालमा पनि नभोगेको दुर्दशा एवं संकट आप्mनै नेतृत्वमा आफैले ल्याएको लोकतान्त्रिक गणतन्त्रमा भोग्नुपर्ने अवस्था उत्पन्न हुनसक्छ । यसलाई समयमै काँग्रेसले सुझबुझका साथ दुरुदृष्टि राखेर मनन गर्नु आवश्यक छ ।
प्रतिनिधिसभाको घोषणा २०६४ देखि आजको मितिसम्म नेपाली काँग्रेसले माओवादीका प्रायः सबै एजेन्डालाई आत्मासात गरी विचार र सिद्धान्तमा विरोधी दलको भरिया बनेको छ । यसैको परिणाम नेपाली काँग्रेस आज ठूलो वैचारिक संकटका खाडलमा जाकिएको छ । विचारको त काँग्रेस पार्टीमा खडेरी नै परेको छ । यसको प्रमाण बिना तयारी, बिना योजना र रणनीति अर्काको दबाब र उक्साहटमा परेर हतियारधारी आफ्नै दलीय सेना भएको माओवादीसँग प्रतिस्पर्धा गर्दै संविधानसभा निर्वाचनमा हाम फालेर आप्mनो पुस्तौपुस्ता पुरानो साख र विचारलाई तिलाञ्जली दिएको छ ।
अझै पनि काँग्रेसले गल्ती पछि गल्ती गरिरहेको छ । सेना समायोजनमा काँग्रेसले बुद्धि विवेक पुर्‍याएन भने देश गृहयुद्धमा जान बेर लाग्दैन । काँग्रेस जिम्मेवारीपूर्वक उभिएर लोकतन्त्रलाई जीवनको अभ्यासमा ढाल्नेतर्फ लागेन भने अझ लोकतन्त्रको मूल्य नेपाली काँग्रेसका लागि धेरै नै महँगो सावित हुनेछ । काँग्रेसमा बसेर माओवादीका लागि काम गरिदिने सिटौलाहरु धेरै छन् । तिनीहरु अहिले पनि काँग्रेसमै छन् ।
क्रमशः